Kabineti i Promocionit Drejtoria e Shëndetit Publik në bashkëpunim me Universitetin “Ismail Qemali” Vlorë zhvilluan sot më date 26...
Më datë 21 nëntor në ditën Ndërkombëtare të Pastrimit në orën 9:00 në ambjentet e Universitetit”Ismail Qemali” Vlorë në...
Për listën e studentëve fitues për Ciklin e Dytë të Studimeve në Fakultetin e Shëndetit Publik klikoni këtu. 10,462 total...
Të nderuar studentë, Universiteti ‘Ismail Qemali’ Vlorë ju fton të merrni pjesë në Career Day Italia 2014. Career Day...
Në kuadër të bashkëpunimit të radhës të Departamentit të Drejtësisë me organizatën Konrad-Adenauer-Stiftung, më datë 20 Nëntor, 2014, u...
Shpallet lista e studentëve fitues për Programin e Ciklit të Dytë studimor në Master Profesional dhe Master i Shkencave...
Shpallet lista e studentëve fitues për Programin e Ciklit të Dytë studimor në Master Profesional dhe Master i Shkencave...
Zyra e Studentit njofton të gjithë të interesuarit se janë hapur aplikimet për transferim studimesh dhe degë të dyta...
Urimi i Rektorit të Universitetit të Vlorës
për fillimin e vitit të ri akademik 2014-2015

Të dashur studentë,
Të respektuar kolegë,

Më lejoni t’ju uroj fillimin e një viti të ri të mbarë akademik në Universitetin “Ismail Qemali” të Vlorës, duke ju dëshiruar përzemërsisht sukses, të gjithëve!

U drejtohem në mënyrë të veçantë studentëve rishtarë, të sapoardhur në auditorët tona: Mirësevini! Jeni në vendin e duhur, në kohën e duhur. Do të studioni në një nga institucionet më të mira të arsimit të larte publik në Shqipëri. Do të merrni mësim nga lektorë të aftë, të kualifikuar mirë, në mjedise gjithnjë e më të përshtatshme, do të shfrytëzoni lehtësitë e bibliotekës, mundësitë për t’u ushtruar në sport, mbështetjen e një administrate plotësisht në shërbimin tuaj. Programet tona të perditesuara me arritjet më të mira bashkëkohore, nxisin e shpërblejne vullnetin e talentin aty ku prireni më shumë, e ku, natyrisht, do të punoni me më dëshirë.

Kolegë pedagogë! Rrethanat e reja të zhvillimit të shpejtë shoqëror e institucional në vend, kërkesat në rritje për cilësi dhe qasje të matshme të suksesit në mësimdhënie e kërkim, domosdoshmëria e një vetëdijeje morale më ambicioze për gjithçka që lidhet me profesionin tonë, nga infrastruktura më funksionale te përpunimi e përkryerja e ideve e tezave akademike, janë arsye të mjaftueshme që të paralajmëroj një vit ku do të na duhet të punojmë shumë. E çmoj si shenjë të mirë, sepse tashmë është e njohur se ku shkojnë zotimet tona. Na duhet të strukturojmë qartë profilin tonë universitar si arsye për të ekzistuar.

Nëse kemi ndryshuar mjaft dhe shpejt në të shkuarën, tash duhet të shfrytëzojmë ndryshimin për të ecur shpejt në të ardhmen. Ju ftoj në këmbim të shpeshtë mendimesh e bashkëpunim të drejtpërdrejtë. Kam bindjen se realitetet e reja të organizmit institucional këtej e në vijim do të ndihmojnë në rindërtimin e dinjitetit të marrëdhënies sonë. Për më tepër, po hyjmë në një rrugë me sukses të sigurt, me pasiguri vetëm për ata që nuk duan të rrugëtojnë aty, sepse nuk ka rrugë tjetër.
Jam besimplotë se ndajmë, sidomos sa i takon kësaj, të njëjtat pikëpamje, siç e kemi dëshmuar me qëndrimin tonë të përbashkët ndaj Reformes në Arsimin e Lartë.

Hyjmë në këtë vit të ri akademik si institucion i pjekur për moshën e tij të re, plot 20 vjeçare. Historinë tonë e kanë shenjuar, ndoshta më shumë se çdo institucion tjetër i ngjashëm, po ato ngjarje që kanë shenjuar historinë e Shqipërisë këto 20 vjet, e kësisoj, kam bindjen se nëse do të dimë t’i përgjigjemi përvojës e të shfrytëzojmë kujtesën siç na takon, krijojmë themelin për veprimtari të qëndrueshme afatgjatë e të frytshme.

Vit të mbarë pune e studimi!
Suksese!

Rektori i Universitetit Ismail Qemali Vlorë
Prof. Dr. Albert Qarri

Universiteti Ismail Qemali Vlorë

Në rradhët e para të mësimdhënies dhe kërkimit shkencor në hapësirën shqipfolëse.

  • Screen Shot 2014-06-08 at 13.25.39
  • Screen Shot 2014-06-08 at 13.31.05
  • Screen Shot 2014-06-08 at 15.21.28
  • Screen Shot 2014-06-08 at 13.34.49
  • Screen Shot 2014-06-08 at 14.20.22

1,484,786 total views, 7,305 views today