Faleminderit që keni zgjedhur të bashkoheni me ne në Universitetin “Ismail Qemali” Vlorë!

Jemi shumë të nderuar dhe me padurim presim t’ju takojmë. Urojmë që ardhja juaj në Vlorë, në Shqipëri, për të zhvilluar studimet tuaja të shkëmbimit të jetë një eksperiencë emocionuese dhe e paharruar. Vlora është një vend mbresëlënës i cili duhet të vizitohet dhe shijohet; me pasuri shumë interesante kulturore, me mjaft vende natyrore dhe origjinale për t’u eksploruar, si dhe me shumë njerëz miqësor dhe mikpritës për t’u takuar. Prandaj, përfshihuni, krijoni miqësi, provoni gjëra të reja, mësoni mbi një kulturë tjetër dhe shijoni përvojën tuaj në Shqipëri.

Ne jemi gjithmonë këtu në shërbimin tuaj, për t’ju ndihmuar gjatë këtij procesi dhe për të lehtësuar pjesëmarrjen tuaj në jetën intensive akademike dhe kulturore pranë universitetit tonë.